المدخلي وتعيير الناس بالبارابول
المقال بالجزائرية:
كي تكون مدخلي وجبري وكافي هكذا تكون النتيجة.
قالو اقلع البارابول، والله غير ضحكني وشفّني، تلقاه مسكين هذا وين لحقاتو فتوى الفوزان لي أفتى بيها في التسعينات نهار كان غير لونتان والبارابول وحاط في راسو فعلا أن البارابول لي فيه قنوات فضائية حرام لأن المذيعة تكشف شعرها أو بطلة المسلسل بينما الأنترنت لي مدخّلها وأطل علينا بإطلالته البهية من خلالها ليكتب لنا هذا المنشور تجوز عادي، ما علابالوش بلي تقدر تدخل من الإنترنت لأي قناة موجودة في البارابول لي راهو خلعان منو ؟ ما علابالوش بلي في الإنترنت كاين حوايج ربي يسمح للبارابول والمسلسلات ؟ ما علابالوش بلي بسبب الأنترنت شاف العالم كامل جينيفر لوبيز عريانة في الرياض وماشافوهاش من خلال البارابول ؟
خلينا من الموضوع هذا كامل، أنا صهيب ما عنديش پارابول ومن 2008 لا أستعمل التلفاز أصلا رغم أني أرى مشاهدته حلالا فهل يحق لي أن أتكلم الآن أم لازملي شرط آخر ؟
يعني مشكلتك مع البارابول ولا تدير في القوالب برك باه تمنع الناس عن الكلام ؟
ملاحظة: أنا شخصيا لم أتكلم عن السعودية ولا عن الغناء ولكن نكون ساكت يجي واحد مدخلي يستفزني باه نهدر، مالا أنصح حاكم السعودية يحكم علينا الذر والمساخيط نتاعو لأنهم بدفاعهم عنه يجيبولو العداوات وليس العكس.
وأنصح المداخلة بتغيير أسلوبهم في الدفاع، لامود اي تطورت في السعودية، ولات بأغنية سعودية نانانانانانا.
كتبه #صهيب_بوزيدي
