قاموس جزائري جزائري

1 - كي يقولو واحد [انتهلى عندك لا تنسى] ويجيبه [إن شاء الله] معناها [غير انسى راك كيلي ما وصيتوش لأنو العبارة هذي ما يقصدش بها ما يفيد العزم مع تعليق المشيئة بالله وإنما يليكيديك هذا ماكان].

2 - عبارة [ندير دورة ونجي / نزيد نشاور ونقولك / نسقسي الدار برك ونقولك / خليلي نيمروك كشما كان اني نعيطلك / كوبي جاني اتصال ذرك نعاودلك] كل هذه العبارات تعني بلي ماتزيدش تشوف وجه لي قالهم يروح هذيك هي الطريق.

3 - عبارة [وش تخدم؟] تعني [قداه عندك الصوارد ؟]

4 - عبارة [ماعليش] في الأصل تعني [لا بأس] ولكنها تستعمل بمعنى [اشفى عليها] وهي من عبارات التوعد، مثال: [ياخي هدرت معك نورمال وأنت ترد عليا بالسماطة. ماعليييش]

ومن عبارات الوعيد أيضا [مش مشكل، اشفى عليها، اصبر تشوف، صااار هكا ؟، واصل على هذا المنوال، نتفاهمو عليها] ومعظهما عبارات ترجمتها الحرفية تدل على عكس المعنى المقصود [نتفاهمو عليها] تعني [سنتفق على الأمر] ولكنها تدل على التوعد بالمصيبة، كذلك عبارة [مش مشكل] تعني حرفيا [لا مشكلة] لكنها تستعمل بمعنى عكسي.

5 - عبارة [دقيقة ونجي] الدقيقة في هذه العبارة ليست محسوبة بالدقيقة الأرضية، قد يقصد الدقيقة على كوكب المشتري أو في مجرّة أخرى لأن هذه الدقيقة قد تستغرق ساعة وقد تستغرق يوما أو أسبوعا أو شهرا أو سنة فليس لها معيار معين، فإن قال لك [الثمنية تاع غدوة الصباح تلقاني عندك] فإن عبارة [الثمنية] قد تمتد من الثامنة صباحا للثامنة مساءً وكلمة [غدوة] قد تعني الغد وقد تعني الأسبوع القادم أو الشهر القادم أو السنة القادمة أو بعد عشرين سنة، ما تحكمش عليها.

6 - كي يقعد 5 سنين ما تسمعش بخبرو وفجأة يتصل ويقولك [أهلا حبيبي وشراك والله توحشتك اسيدي] فهذه تعني في الغالب [كشما عندك صوارد تسلفلي] أو [كشما عندك خيط ولا معريفة في البلاصة الفلانية] أو [عاونني نبني السكنة]

كتبه #صهيب_بوزيدي